COMPROMISO MEDIOAMBIENTAL
a conservación
do medio natural
como obxectivo
prioritario e medio
de actuación
13 GRADOS xorde co obxectivo principal da divulgación e conservación do medio mariño. Partimos da educación ambiental e do coñecemento científico para elaborar os nosos materiais e actividades, nas que a principal motivación e finalidade é sensibilizar sobre a importancia de coidar o medio mariño e movilizar á acción daqueles cambios a nivel individual e local que contribúan á preservación do noso aliado máis importante, o mar.
Marcámonos uns principios e valores como marco de acción e compromiso do noso traballo,pero tamén da nosa vida, coa intención de minimizar o nosos impacto negativo.
Estamos convencidas de que, como persoas, tenemos moito máis poder do que pensamos para cambiar as cousas e debemos actuar en consecuencia.
![argazo.png](https://static.wixstatic.com/media/240897_fd952514febf44fb96dee3f1452ce9ab~mv2.png/v1/crop/x_332,y_130,w_1177,h_1814/fill/w_308,h_475,al_c,q_85,usm_0.66_1.00_0.01,enc_auto/argazo.png)
Os recursos e actividades que realizamos alinéanse coas metas recollidas específicamente na folla de ruta dalgúns dos principais ODS:
OBXECTIVO 4 - EDUCACIÓN DE CALIDADE :
a través das nosas actividades favorécese a adquisición de coñecimientos teóricos e prácticos para promover mediante a educación ambiental o desenvolvemento de estilos de vida sostibles.
OBXECTIVO 5 - IGUALDADE DE XÉNERO: fomentamos a igualdade entre homes e mulleres e a integración da perspectiva de xénero a través de accións e unha linguaxe non sexista.
OBXECTIVOS DO DESENVOLVEMENTO
SOSTIBLE (ODS)
o noso traballo enmárcase dentro dos 17 Obxectivos de Desenvolvemento Sostible (ODS) recollidos na Axenda 2030 da Comisión Europea
![imageedit_1_3953426564.png](https://static.wixstatic.com/media/240897_289c421079a041c7a9fa6ca14bff1b91~mv2.png/v1/crop/x_122,y_0,w_1468,h_1235/fill/w_95,h_80,al_c,q_85,usm_0.66_1.00_0.01,blur_2,enc_auto/imageedit_1_3953426564.png)
OBXECTIVO 13 - ACCIÓN POLO CLIMA: buscamos ampliar os contidos educativos e a sensibilización orientadas á mitigación do cambio climático, o coñecimiento da situación actual e as súas ameazas, así como a reducción dos seus efectos conectando nosas accións cotiás coa saude domar.
OBXECTIVO 14 - VIDA SUBMARINA:
ao centrarnos na divulgación e conservación do medio mariño combinando educación ambiental, ocio, ciencia e tecnoloxía creamos ferramentas que axudan a potenciar a conservación da biodiversidade mariña.
A igualdade é un dereito e a equidade unha loita por alcanzar ese dereito. Dende o noso traballo non queremos esquecer as múltiples particularidades de cada unha de nós e a necesidade de que o coñecemento e o lecer estean ao alcance de calquera. A accesibilidade, no sentido máis amplo da palabra, debe estar sempre entre os obxectivos de traballo.
Integrar conceptos tan importantes como o FEMINISMO, a INCLUSIÓN ou a ACCESIBILIDADE só é posible dende o respecto e a tolerancia ás diferentes características e necesidades que temos cada persoa, favorecendo a participación activa.
EQUIDADE
as mesmas oportunidades para todas, sen discriminacións e sen olvidar as nosas particularidades
![Gallana sin fondo.png](https://static.wixstatic.com/media/240897_aeb4fcd88990422ba15183a25165886e~mv2.png/v1/fill/w_91,h_64,al_c,q_85,usm_0.66_1.00_0.01,blur_2,enc_auto/Gallana%20sin%20fondo.png)
ECONOMÍA SOCIAL
realizamos a nosa actividade antepoñendo
o medio ambiente, as persoas e
o desenvolvemento sostible por riba
doutros intereses
![imageedit_1_9786645391.png](https://static.wixstatic.com/media/240897_5fce8de88c034091905a3847662a82bf~mv2.png/v1/fill/w_189,h_101,al_c,q_85,usm_0.66_1.00_0.01,blur_3,enc_auto/imageedit_1_9786645391.png)
![imageedit_1_9786645391.png](https://static.wixstatic.com/media/240897_5fce8de88c034091905a3847662a82bf~mv2.png/v1/fill/w_148,h_79,al_c,q_85,usm_0.66_1.00_0.01,blur_3,enc_auto/imageedit_1_9786645391.png)
![imageedit_1_9786645391.png](https://static.wixstatic.com/media/240897_5fce8de88c034091905a3847662a82bf~mv2.png/v1/fill/w_176,h_94,al_c,q_85,usm_0.66_1.00_0.01,blur_3,enc_auto/imageedit_1_9786645391.png)
13 GRADOS colaboramos coa Rede de Economía Alternativa e Solidaria de Galicia - REAS GALICIA para comprometernos e impulsar co noso traballo unha forma diferente de facer as cousas. Reflexionar e valorar como encauzar a nosa actividade nos principios solidarios.
PRINCIPIOS DA ECONOMÍA SOCIAL E SOLIDARIA
Participamos no Mercado Social democrático, feminista, ecolóxico e solidario a través de BEN MERCADO, a tenda online de Economía Social Galega
![benMercado1-300x300.jpg](https://static.wixstatic.com/media/240897_6205382d66ea43a1914dfc428b0e8d38~mv2.jpg/v1/fill/w_67,h_67,al_c,q_80,usm_0.66_1.00_0.01,blur_3,enc_auto/benMercado1-300x300.jpg)
Tamén apostamos pola Banca Ética, representada naquelas entidades financieiras que buscan unha xestión democrática e unha distribución equitativa da riqueza. Por iso somos clientas e socias de FIARE BANCA ÉTICA, onde realizase un uso óptimo, transparente e participativo dos recursos para o beneficio das persoas e o medio natural.
13 GRADOS é unha cooperativa galega sen ánimo de lucro, un modelo de empresa diferente que garanta o traballo digno e en equipo, onde cada persoa conta na toma de decisións.
Ademais estamos asociadas á Unión de Cooperativas Galegas: ESPAZO COOP para comprometernos e impulsar co noso traballo os obxectivos e valores que compartimos.
COOPERATIVISMO
unha alternativa democrática e xusta ás desigualdades que xera o modelo empresarial tradicional
![ermitaño.png.png](https://static.wixstatic.com/media/240897_b59ee80b1c8a4dcaac97f226f777a283~mv2.png/v1/fill/w_89,h_64,al_c,q_85,usm_0.66_1.00_0.01,blur_2,enc_auto/ermita%C3%B1o_png.png)
Dous aspectos íntimamente vencellados ao traballo nas cooperativas son:
- A formación continua. Non deixar de aprender e mellorar é unha das vantaxes da formación, pero tamén coñecer outras persoas con inquietudes e obxectivos similares e os seus proxectos, o que, a miúdo, da pé á creación de sinerxias
- A intercooperación. Compartir valores e proxectos fainos máis fortes, de aí que, sempre que sexa posible, busquemos colaborar con outras cooperativas.
Dende 13 GRADOS apostamos pola sostibilidade no turismo. Gozar da natureza dende o respecto.
- móvenos coñecer, interpretar, desfrutar e coidar o mar
- as actividades no medio mariño deben enriquecernos mutuamente
- a educación ambiental é chave para comprender o noso papel na natureza
- fomentar a conservación activa que nos axude a deixar o espazo natural mellor do que o atopamos
GUÍA DE BOAS PRÁCTICAS
NO MEDIO MARIÑO
TURISMO SOSTIBLE
visitar o mar para coñecelo e disfrutalo xerando impactos positivos que axuden de xeito práctico a súa conservación
![arroaz sin fondo.png](https://static.wixstatic.com/media/240897_d2eb6aa57a2d4c0fae5ec2770b0d0cee~mv2.png/v1/crop/x_161,y_51,w_1429,h_1182/fill/w_98,h_81,al_c,q_85,usm_0.66_1.00_0.01,blur_2,enc_auto/arroaz%20sin%20fondo.png)
Todas as fotografías, ilustraciones, textos e vídeos pertencen ás autoras e están protexidos pola Ley de Propiedade Intelectual. Non se permite o seu uso non autorizado.