13 Grados
Entidade colaboradora do Parque Nacional Marítimo-Terrestre das Illas Atlánticas de Galicia
CARTA EUROPEA DE TURISMO SOSTIBLE (CETS)
QUE É A CETS?
A Carta Europea de Turismo Sostible (CETS) é unha iniciativa da Federación EUROPARC que ten como obxectivo global promover o desenvolvemento do turismo en chave de sostibilidade nos espazos naturais protexidos de Europa. A CETS é un método e un compromiso voluntario para aplicar os principios do turismo sostible, orientando aos xestores dos espazos naturais protexidos e ás empresas para definir as súas estratexias de xeito participado.
QUE APORTA A CETS?
Ferramentas para os espazos naturais e as empresas turísticas
QUE BUSCAMOS ACREDITÁNDONOS NA CETS?
- Facer piña con todas aquelas entidades que tamén traballan neste espazo natural e que apostan por unha maneira de facer turismo diferente e responsable, na que o coñecemento e a conservación da natureza sexa un objectivo principal.
- Reafirmar o noso compromiso cunha xestión interna máis xusta e sostible cos espazos protexidos
- Apostar por ferramentas que favorezan e impulsen un turismo responsable
PARQUE NACIONAL DAS ILLAS ATLÁNTICAS DE GALICIA (PNIAG)
O Parque Nacional das Illas Atlánticas de Galicia (PNIAG) é un conxunto de pequenos arquipélagos situados nas Rías Baixas: Illas Cíes, Illa de Ons, Sálvora e Cortegada conforman este Parque Nacional Marítimo-Terrestre no que máis do 85% é territorio somerxido.
Máis alá das fermosas praias, das espectaculares vistas dos seus miradoiros ou dos roteiros que percorren as illas amosando as súas particulares paisaxes, o verdadeiro tesouro deste parque está baixo o mar. As Illas Atlánticas congregan a gran variedade de paisaxes submarinas e biodiversidade mariña que caracteriza á costa galega en moi pouco espazo. O gran valor natural, ecolóxico e biolóxico que engloba o seu medio mariño merece unha visita a fondo coa que coñecer a súa beleza e riqueza, pero tamén que este achegamento se realice dende o respecto e a conservación.
Todas as fotografías, textos e vídeos pertencen ás autoras e están protexidos pola Ley de Propiedade Intelectual. Non se permite o seu uso non autorizado.